ازيك يا نعمه .....

مرة اتنين اخوات طورش
مش طورش طورش مبيسمعوش خالص ......... لا بيسمعو .. بس بيسمعو بعض غلط وبيردو على بعض على اساس اللى بيسمعوه
فهو جاى م الشغل وماسك بطيخة وداخل وبيقولها
هو : ازيك يا نعمة البت نامت ؟
هى : الحرب قامت ؟ هما مش كانو عاملين معاهدة سلام
هو : شمام ؟ ومالو البطيخ
هى : وكمان صواريخ ؟ استر يارب
هو : الاشرب ؟ مش ده اللى انا جبتهولك م العريش
هى : قراقيش ؟ مش دى اللى احنا بنجبها من عند الحلوانى
هو : بلح سمانى ؟ ده بلح ملوش مثيل
هى : دكتور جميل ؟ ده دكتور شاطر
هو : هنروح القناطر ؟ طب يلا بينا
هى : الشوربة سمينة ؟ دانا عملهالك بمرقة دجاج
هو : وكمان وقعت طيارة الحجاج ؟ وايه العمل
هى : عين جمل ؟ ده صعب التقشير
هو : زعابيب امشير ؟ دى من اصعب الشهور
هى : عايز بخور؟ ليه هو انت محسود
هو : الطريق مسدود ؟ هو طفح تانى
هى : عبد اللطيف الوردانى ؟ مش ده اللى احنا فالفرح شوفناه
هو : جامعة القناة ؟ دى احسن جامعة
هى : عايز شمعة ؟ ومالها اللمبة
هو : بترقص سامبا ؟ دى فيها رابكة
هى : عايز شبكة ؟ ليه هو انت عريس
هو : هريس ؟ انا مبحبهاش انا بحب المقلوبة
هى : عروستك م النوبة ؟ انا عريسى م الاسماعيلية
هو : البت هنية ؟ دى بت مؤدبة
هى : عدسة محدبة ؟ انت عندك بعد نظر
هو : بياعين الجزر؟ دول من احسن الناس
هى : انا معنديش احساس ؟ يعنى انت اللى عندك شعور
هو : اقوم اطفى النور ؟ طب تصبحى على خير